Dewa Oleka Corî ya girêdayîyê merkezê Bedlîsî de cenazayê 267 kesanê ke tarîxê cîya-cîyayan de wefat kerdo, goranê înan ra ameybî vetene û ameybî berdene bi Sazîya Tibê Edlî yê Îstanbûlî û dima ra Goristanê Bêkesan ê Kilyosî de ameybî definkerdene.

Nê canazayan ra cenazayê Huseyîn Doner (Sîdar Sîpan) û Cengiz Demir (Sami) hetê keyeyanê înan ra Goristanê Bêkesan ê Kilyosî ra ameyî girewtene û ameyî berdene welatanê înan Bedlîs û Amed.

Cengîz Dermîro ke  wextê peyser ancîyayîşî yê 1999î şehid kewt memleketê ci dewa Fîsî ya qezaya Licê ya Amedî de  binê ablûqaya polîsan de ame definkerdene. Tezîyeya Demîrî do Şînxaneyê Temira yê taxa Bagcilar ya Baglarê Amedî de bero kerdene.

Cenazayê ke goranê ci ra ameyî vetene înan ra 18 hebî hetê keyeyanê înan ra ameyî girewtene. 249 cenazayî heme Goristanê Bêkesan ê Kilyosî de têser nijnaye definkerde yê.