Derheqê hemşaredaranê Rêya Armûşî de îdîaname
îdîanameyê hemşaredaranê Rêya Armûşî de vilakerdişê medyaya komelkî û îfadeyê 'şahîdê nimitkîyî' zî cagirewtî.
îdîanameyê hemşaredaranê Rêya Armûşî de vilakerdişê medyaya komelkî û îfadeyê 'şahîdê nimitkîyî' zî cagirewtî.
Derheqê hemşaredaranê Rêya Armûşî Azîm Yacanî û Şehsade Kurt de ke 8ê teşrîna peyêne de ameyî destbendkerdene û 11ê teşrîna peyêne de zî ameyî tepiştene îdîanemeyo ke hetê Serdozgerîya Komare ya Wanî ra amebi amadekerdene qedîya. Roniştişo yewîn ê dewaya ke bi îdîayanê ''endamîya rêxistine'', ''propagandaya rêxistine'' û ''muxalefetê vera qanûnê nawnayîşanê rayraşîyayîşan û kombîyayîşan" Mehkemeya Cezaya Girane ya 7. a Wanî de amebî akerdene 10ê sibata 2020î de do bêro dîyene.
Îdîaname de vilakerdişê medyaya komelkî yê hemşaredaran, îfadeyê şahîdan ê nimitkîyan, îxbarê bênameyî yê ke roja weçînayîşê 31ê adare de zî tede yê, xeberê derheqê hemşaredaran, kombîyayîşê çapemenîye yê ke hemşaredarî wextê grevê vêşanîye de tewrê ci bibî û wezîfedarkerdişê karkeran sey ''sucî'' ameyî hesibnayene.
Îdîaname de îxbarêk zî ca gêno ke wina yo: "Dima ke HDPyî Şaredarîya Rêya Armûşî girewte fotografê Ataturkî û Erdoganî ardî ware. Seba nê kesan çi hewce keno wa bêro kerdene."
Tay xeberê ke sîteyê înternetî yê herêmî bi nameyê 'vanpostasigazetesi' de amebî weşanayene îdîaname de cagirewtî.