Walîtîya Dêrsimî dazanayene ke rîyê vîrusê Korona ra seba 15 rojan çalakî û aktîvîteyî ameyî qedexekerdene.

Goreyê eşkerayîya Walîtîye 29ê êlule ra heta 13ê teşrîna verên a 2020î merkez û qezayanê Dêrsimî de heme çalakî û aktîvîteyî ameyî qedexekerdene. Eşkerayîye de ame vatene ke roşan, vîrardiş, merasîmî, pîrozkerdişî û aktîvîte û kombîyayîşê wînayênî yê ke fermî yê, hetê dezgehanê dewlete ra yenê kerdene ê qedexe nîyê.