Dêrsim de wendekarî nezaret de grevê vêşanîye de yê

Dêrsim de wendakaranê ke 14ê sibate de ameybî destbendkerdene mudirîyetê asayîşî de dest pê grevê vêşanîye kerd.

Dêrsim de 14ê sibate de 7 wendekarê zanîngehî ameybî destbendkerdene ke endamê Meclîsê Ciwanîye yê HDPyî yê. Vizêr îfadeyê wendekaran ameyî girewtene. Yeno pawitene ke ewro wendekarî sewqê mehkeme bibê. Wendekaran Mudirîyetê Asayîşî yê Dêrsimî de vera binpaykerdişanê heqanê merdiman dest pê grevê vêşanîye kerd. Endamanê Meclîsê Ciwanîye yê HDPyî derheqê babete de bînaya HDPyî ya Dêrsimî de eşkerayîyêke kerde.


Lîder Polatî  bi nameyê endamanê Meclîsî eşkerayîye kerde û îfade kerd ke AKP-MHPyî bi seba ke têgêrayîşê sîyasî yê kurdan tasfîye bikero bi hawayêkê sîstematîkî det pê teda û destbendkerdişan kerd. Polatî ard ziwan ke her roje vera ciwanan teda û îşkence zêdîyena û vat: ''Vera meclîsê ma yê ciwanan konseptêko taybet yeno kerdene. Kongreya ma ya 4. ha bena nêzdî û her roje embazê ma yenê destbendkerdene û tepiştene. Ma do têkoşînê xo dewam bikerê û xebatanê xo dewam bikerê. Embazê ma yê ke ameyî destbendkerdene zî ganî cade bêrê veradayene.''