Dêrsim de saetê ferîbotanê Pêrtag, Çemişgezek û Xarpêtî goreyê tedbîranê vîrusê Korona newe ra ameyî amadekerdene.

Goreyê naye;

-1ê kanûna 2020î ra dima Pêrtagî ra ferîbot verêne saete 06:00 de, Xarpêtî ra zî saete 06:30 de dest pê seferî bikero.. Ferîbotî heta saete 21:00 do bixebitê. Dima ferîbot do Îskeleya Pêrtagî ra ver bi Xarpêtî saeta 21:00 û 22:00 de seferan bikero.  Saete 22:00 û 00:00 de zî ferîbot Îskeleyê Xarpêtî ra ver bi Pêrtagî  seferan bikero.

-Saeta 00:00 ra dima heta serê sibayî saeta 06:00 têna ferîbotê şaredarîye seba meseleyanê lezabezan  bixebito.

-Peynîya hewteyî de ferîbot Pêrtagî ra saete 07:30, 12:00, 18:00, 19:00 de û Xarpêtî ra zî saete 08:00, 16:00, 19:00, 20:00 de wurzo.

-Peynîya hewteyî de saeta 20:00 ra dima têna ferîbotê şaredarîye seba meseleyanê lezabezan  bixebito.

-Çemişgezek de zî ferîboto verên saete 07:00 de ver bi Xarpêtî û Xarpêtî ra ver bi Çemizgezekî zî 07:30 de do têbigêro. Ferîbot destpêkê her saetêke de do wurzo.

-Peynîya hewteyî de Çemizgezekî ra ver bi Xarpêtî ferîboto verên 08:00 de do wurzo û 17:30 de zî seferê xo yê peyênî bikero. Xarpêtî ra ver bi Çemişgezekî zî ferîbot saete 08:30 de seferê xo yê verênî bikero û seferê xo yê peyênî zî saete 17:30 de bikero.