Çalakîya roniştişî ya ke semedê baleantişê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene hetê Partîya Şaran a Demokratîke (HDP) a Dêrsimî ra yena viraştene, vizêr roja şeşine de dewam kerde. Temsîlkarê partîyanê sîyasîyan û rêxistinanê sivîlan ê cimatî, merdime tepişteyan û parlamenterê HDP’yî yê Sêrtî Sidik Taş tewrê çalakîye bîyî.

Sidik Taşo ke çalakîye de qisey kerd vist vîr ke rayberîya parlamentera Colemêrgî Leya Guvene de 185 rojî yo ke grevê vêşanîye dewam kenê û va: ‘‘Bi seyan kesî grevê vêşanîye yê bêdem û bêagêrayîşî de yê. Zîndanan de 30 embazê ma rojeyê mergî de yê. Ma tîya ra veng danê  Wezîrîya Edeletî û berpisîyaranê hukmatî, hema ke çîyê xirabêr nêbîyî waştişê embazanê ma wa bêrê bicaardene.‘‘

Çalakîya roniştişî bi slogana,‘‘ Biciwîyo xoverdayîşê zîndanan‘‘ qedîyaye.