Qezaya Pilemûrîye ya Dêrsimî de hemwelatîyo bi nameyê Velî Yildiz vizêr sereştişê keyeyê ci de ame destbendkerdene.  Yildiz 65 serre yo ke ame îdîakerdene ke derheqê ci de îfadeyê şahîdê mîyanî esto, bi îdîaya ''endmîya rêxitine'' Edlîyeya Dêrsimî de ame tepiştene.

Yildizo ame şawitene Zîdanê Xarpêtî  pê avûkatê xo mesajêk şawit û vat:  Ma tornê Xizirî yê. Pîrîk û pîrkalê ma zî raştê neheqîye ameyî û zîndananê Xarpêtî mendî. Ma zî bîyê qûrbanê neheqîye. Mi qet zirarêk kesêk nêda. Qet zirarêk ganîyêk nêda.  Mi her kesî rê bêrê xo akerd û hole kerde. Ez rayîrê bawerîya xo de şîya. Ez bîya qûrbanê bêedaletîye. Vajîya ke rîyê endamîya rêxistinî ra qerar ame girewtene.