Gerîlayê HPGyî Agir Urfa serra 1984î de Riha de dadîya xo ra beno û serra 2003î de vera zulmê dewleta îşxalkere tewrê gerîlayan beno. Gerîla Agir Şingal de wexto ke vera DAÎŞî şer keno şehîd beno.

Gerîlayan qala Agir Urfayî kerde.

Gerîla Şêxoyî vat: ''O her tengasîye de çareserîye bi. Tim şer koordîne kerdêne. Çi hewce bibi embaz Agirî wezîfe girewtêne xo ser. O fermandarê cuye bi. Fermandarê zor û zehmetîyan bi. Ey wextêkê dergî karê sabotajî kerdbi. Rojêke sekban bi, rojêke sabotajwan bi rojêke zî fermandar bi.''

Gerîla Akîf Hîlalî vat: ''Ey pê hûyayîşê xo tesîrê cuye kerdêne. O kedkarêkê nê têgêrayîşî bi. Embaz Agirî pê moralş û coşî rayberîye kerdêne. O aslê xo de Sêwrege ra bi la Başûr, Dêrsim, Şingal de şer kerd. Şingal de keda ci zêde ya. O pê fedakarîya xo bi sembol.''

Embaza gerîla Agirî  gerîla Sema Gabar vat: ''Embaz Agirî pê nêzdîbîyayîşê xo yê cinîyan zî vejîyayêne vernî. Embazan ê cinîyan ey ra hes kerdêne. Kesayetê ci de zerrînizmî, kedkarîye estbî.''

Fermandarê Merkezê Pawitişê Şarî Murat Karayilanî zî derheqê Agir Urfayî de nê çîyî vatî: ''Embaz Agir serrêke û nêm cayê ma de mend. O Dêrsim de bi serran mend û tecrube girewt. P perwerê embazîye bi, merdimêko bawermend bi. Wexto ke Agir Dêrsimî ra derbazê Başûrî bi Hemleya Şingalî dest pêkerd. Vera hêrişanê DAÎŞî tewrê hemle bi. O Şingal de fermandarê taburêkê bi û prosesê şerî de şehîd bi. Ey pê cuya xo ya sade, zerrînizm û kedkare her ca de rayberîya xoverdayîşî kerde. Ma pê berzkerdişê têkoşînî û azadîya Kurdîstanî vîrameyîşê ey tim gandar bikerê. Bi na wesîle ma vanê 'Agirî nêmirenî, şehîdî nêmirenî.'