Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. Grevê vêşanîye bi koma 7. roja 31. de dewam keno.

Taxanê Alîpaşa û Îskenderpaşayî yê qezaya Sûrî yê Amedî de  seba ke bale bêra antene grevê vêşanîye yê tepişteyan ser dêsan ser o nuşteyî nusîyayî û resimî ameyî xezkerdene.

Dêsan ser o 'Biciwîyo Xoverdayîşê Zîndanan' nusîya û resimê Mazlum Dogan, Kemal Pîr, Akîf Yilmaz, Mehmet Hayrî Durmuş û Alî Çîçekî yê ke serra 1982î de Zîndanê Amedî de grevê vêşanîye de dinyaya xo bedilnaye, ameyî xêzkerdene.