Artêşa tirke ya îşxalkere qezaya Geverî ya Colemêrgî de vera dewanê Tilorana Jêr û Tilorana Jor û Koyê Sipêrêzî hêrişê îşxalî dayî destpêkerdene. 

Xeylêk leşker û cergî tewrê hêrişanê îşxalî bîyî. Pirdê rayîranê wareyanê Hor, Berê Sor û Conî zî bi wesayîtanê zirxînan ame qefilnayene. Xeylêk makînayê karî sewqê herême bîyî, dewî gêrîyayî binê ablûqa û dekewtiş û vejîyayîşî ameyî qefilnayene.

Asmênê koyanê Omer û Sipêrêzî ra droneyê çekdarî gêrenê.

Ame parekerdene ke şaro ke wazeno heywananê xo bero wareyan yeno astengkerdene.