Serekê Gruba Meclîsê Pêroyî yê Bajarî yê Partîya Demokratîk a Şaran (HDP)  Aydin Kayayî eşkera kerd ke, dewa Qerwêlûn Cêrî  ya ke girêdayî ya merkezê Çewlîgî ya de seba viraştişê santralê Hîdroelektrîkî,  meclîsê pêroyî yê bajarî ra tesdîq ameyo dayene.

Kayayî ard ziwan ke, Çewlîg de 27 projeyê HES’î ameyê plankerdene û yew bi yew  dest bi viraştişê nê projeyan kenê û vat,  “Awe, parçêka ekosîstemî ya tewr muhîm a û çemî cayo ke dest pêkenê ra heta cayo ke rişîyenê seba merdimanê dormeyê xo û heme candaran îmkanê weyebîyayîşî danê. Projeyê HES’î  benê sebebê birnayîşê daran, rîyê rayîrvurnayîşê çem û robaran ra ziwabîyayîşê awa serê erdî,  zerardîyayîşê û merdişê tewirê tayê hewyanan .”

PROJEYÊ HESÎ YÊ DEWA QERWÊLÛN CÊRÎ AME TESDÎQKERDENE

“Seke ma Çewlîg de verê cû zî eşkerayanê xo de bewlî kerdibi 27 projeyê HES’î ameyê plankerdene û yew bi yew  dest bi viraştişê nê projeyan kenê. Tewr peynî de seba viraştişê regulatorê Gokçekanatî û santralê Hîdroelektrîkî meclîsê pêroyî yê bajarî ra îznê awanî ameyo girewtene û dest bi ci kerdo. Bawer bikerê ke eke nê heme projeyî bêrê viraştene o wext Çewlîg zî mîyan ra wedarîyeno. Nika ra der û dorê Çewlîgî bi awan ameyê girewtene û merdimî, candarî tede heps mendê. Ma HDP’yijî heta nika vera HES’an vindetî û  naye ra dima zî ma do bivindê.”