Roniştişê 3. ê dewaya 70 kesan ê ke 17ê înan doman ê û 26ê gulana 2016î de wextê xoverdayîşê xoîdarekerdişî yê qezaya Nisêbînî ya Merdînî de ameybî desbendkerdene û dima ameybî tepiştene ameye dîyene. Roniştişê 4. Mehkema Cezaya Girane ya Mêrdînî de ame dîyene bi daşinasnayîşê nasnameyan dest pêkerd.

Destpêkê roniştişî de dewaya derheqê Dîlbere Tanrikulu de ameye dîyene. Tanrikuluye pare kerd ke îdareyê zîndanî dest na pawitişê aye ser û hema zî teslîmê ci nêkerd û seba naye do pawitiş nêkera. Seba ke Tanrikulu pawitişê xo bikera roniştiş taloqê 3ê kanûne ame kerdene.

Dima zî roniştişê Firat Çîftçîyî ame dîyene. Çîftçîyî ard ziwan ke seba ke o avûkatê xo yê taybet reyde pawitiş biko wext waşt. Mehkeme waştişê ci qebul kerd û roniştiş taloqê 10ê kanûne kerd.

Tewr peynî de roniştişê dewaya Recep Yelî ame dîyene. Yelî waşt ke redê dadgerî biko. Yelî vat ke dosyaya verêne ya ci sey CDyî ci rê ameye erşawitêne la seba ke zîndanî de bi nêeşkîya bireso dosya. Yelî seba pawitişî waştişê wextî kerd. Mehkeme waştişê Yelî sey ''dergkerdişê mehkeme'' ercna û waştiş red kerd. Avûkatê Yelî dima heqê qiseykerdişî girewt û waştişê redê dadgerî kerd. Mehkeme no waştiş zî red kerd û roniştiş taloqê 6ê kanûne kerd.