Qezaya Nisêbînî ya Mêrdînî de wextê hêrişanê qirkerdişan de 26ê gulana 2016î de 17ê înan domanî derheqê 70 kesan de dewa amebî akerdene. Dewaya Nisêbînî de roniştişê Rojhat Aydinî ame dîyene. Dewa Mehkemeya Cezaya Girane ya 4. ya Mêrdînî de ameye dîyene.

Dozgerîye bire daye ke Aydinî rê seba pêro îdîayan ceza bêra dayene. Aydinî tecrîdê vera Rayberê Şarê Kurdî Abdullah Ocalanî şermezar kerd û waşt ke tecrîd bêro wedaritene. Heyetê mehkeme bire daye ke rewşa tepiştişî dewam bikera û roniştiş taloqê 19ê adare ame kerdene.