Dewa Çirikî ya qezaya Kanîreşî ya Çewlîgî de dewijî ocaxê weşîye wazenê.

Dewe de ciwanê ke serranê 90an de Îstanbul de karê kotî de bêtedbîrîye ra pê nêweşîya slîkozîsî kewtî. Heta nika dewe de 20 kesî na nêweşîye ra merdî û bi seyan kesî zî hema zî nêweşê slîkozîsî yê. 

Muxtarê dewe Fîkret Oralî ke çapemenîya cayîyî rê qisey kerd, vat: ''Dewa ma de xeylêk nêweşê slîkozîsî estê. Zimistanan ma bi zehmetî nêweşanê xo benê nêweşxaneyê şaristanî. Eke dewe ma de yew ocaxê weşîye bibo hem nêweşê ma hem zî keyeyê nêweşan do rehet bikerê. Tay nêweşê slîkozîsî pê hacetanê nefesî ciwîyenê. Ciwanê ma pêro Îstanbul de bîyî nêweş û nika keyeyanê xo de pê hacetan eşkenê biciwîyê.''