Îdarekarê Partîya Yewîya Niştimanî ya Kurdîstanî (YNK) yê Mexmûrî Nesrulah Sûrçîyî derheqê îşxalê dewleta tirke û hemkarîya PDKyî de ajansê ma rê qisey kerd.

Nesrulah Sûrçîyî destpêk de bale ante alozîya ke serra 2014î ra nata Başûrê Kurdîstanî de qewimîyena ser û vat: ''Serra 2014î ra nata Başûr de meseleyê ekonomîkî estê. Nê zanîyeno ke hende ameyeyê Başûrê Kurdîstanî rê se beno. Tewr peyêne eşkera bi ke mabênê dewleta tirke û PDKyî de peymana 50 serran ameye îmzakerdene. Nê neheqîyan ra nika Başûrê Kurdîstanî de şar vejîyeno meydanan û heqanê xo wazeno.''

Sûrçîyî ard ziwan ke dewleta tirke hêdî hêdî Başûr îşxal kena û vat: ''Nika Başûr de 73 baregehê leşkerî yê dewleta tirke estê. Dewleta tirke bi bahaneya PKKyî erdê Başûrê Kurdîstanî îşxal kena û wazena heta serra 2023î nê herêman bivisna binê sînoranê xo.Dewleta Iraq zî tim xîret kena ke demografîya Başûrî bivirno.''

Sûrçîyî da zanayene ke hêzê PDKyî wazenê derbazê Rojawanê Kurdîstanî bibê û vat: ''Meaşê hêzanê Roje hetê dewleta tirke ra dîyenê. Nê wazenê Rojawan de tesîrê QSDyî bişiknê û aramîya herême biherimnê. PDK seba menfaatanê xo zengînîyanê erdê Başûrî pêşkêşê Tirkîya keno. Bi nê hawayî dewleta tirke eşkena bi asanî Başûr îşxal bikera.''

Sûrçîyî peynîya qiseykerdişê xo de venga kurdan û partîyanê kurdan da  ke wextêkê nêzdî de kongreya neteweyîye do bêra kerdene û tek çareserîye kongreya neteweyî ya.