Dîmenan de yê ke RojNewsî pare kerdî, yeno vînayene ke  konvoyêko  leşkerî yê dewleta tirke yo ke  wesayîtanê zirxinan û çekanê giranan ra yeno pê  verbi qezaya Amêdiye  ya Duhokî yê Başûrê Kurdîstanî aver şino.

Nêame zanayene ke hêzê îşxalî çara kewtî rayîr û selahîyetdaranê herêmî zî sey her wextî eşkerayîyêke nêda.

Dîya zanayene ke konvoyo leşkerî ver bi bajarêkê Kanî Masî yê qezaya Amêdiye aver şina ke binê kontrolê PDKyî de ya.

PDK hewce nêvîneno ke derheqê têgêrayîşê leşkerî yê îşxalkeran de eşkerayîye bido.