Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

“Herêma Şehîd Delîlî ya Rojawanê Zapî;

20ê gulane de Warê Xoverdayîşî yê Girê Cûdîyî de îşxalkeran ke waşt xo ca bikerî pê çekanê otomatîkan ameyî pirodayene û vindarnayene.

Çekê qedexeyî;

20ê gulane de Warê Xoverdayîşî yê Girê FMyî yê Zapî de tunelê ma 32 rey pê gazanê kîmyewîyan ê jehrinan û rayêke zî bi teqaberanê qedexeayn dîyayî bombayan . Gazê kîmyewîyî yê ke pîya bi gazê îsotî ameyî şuxulnayene rengê ci porteqalî bi. Reyna 20 û 21ê gulane de Warê Xoverdayîşî yê Girê Amediyê û Girê Cûdîyî pê teqaberanê qedexeyan dîyayî bombayan ver.

Bombardumanî; 

20 û 21ê gulane de warê Sinînê, Lolan, Girê Şehîd Şerîf, Kelaşînî yê herêma Xakurkê, warê Dînartê, Deşta Kafya yê herêma Garê, Warê Xoverdayîşî yê Dergelê, Bêşîlî  yê herêma Metîna, warê Girê Cûdî, Girê Baharî yê Zapî 17 rey pê teyarayanê şerî dîyayî bombayan ver. 20ê gulane de Warê Xoverdayîşî yê Dergelê  pê helîkopteranê hêrişî dîya bombayan ver.”