Merkezê Çapemenî û Îrtîbatî yê HPG’yî  ke eşkerayîyêka nuştekîye daye, da zanayene  ke artêşa Tirkî Şirnex û Bedlîs de operasyon dayo destpêkerdene.

Eşkerayîye de nê ameyî parekerdene: ‘’27’ê Temmuze de artêşa Tirkî ya îşxalkare herêma Navsera ya ke Koyê Cûdî ya şirnexî de operasyonêk da destpêkerdene.  Derheqê perasyonî yo  ke heman roje de peyser ame antene de zanayîşê ke bikewê dest do rayapêroyîye dir bêrê parekerdene.

Bedlîs de 2 Gerîlayî Şehîd Bîyî

26’ê Temmuze de teyareyanê şerî yê artêşa Tirkî herêma Şêx Hebîbî yê Bedlîsî bombardûman kerde. Dimayê bombardûmanê bi helîkopteranê Skorskyan eskerî ameyî kitiştene bi herême û operasyon ame destpêkerdene. Bombardûmanê operayonê  ke saetanê şanî de peyser ame antene de  2 embazê ma şehîd bîyî. Nasnameyê embazanê ma do dima ra bêrê parekerdene.

Teyareyanê Şerî yê Tirkî Wareyê Pawitişî yê Medya Bombardûman Kerd

Teyareyanê şerî yê dewleta Tirkî Wareyê Pawitişî yê Medya bombardûman kerd. Goreyê naye; 27’ê Temmuze de herêma Sîda ya Zapî, 28’ê Menge de herêma Werxelê ya Zapî, 25’ê Temmuze de zî Qilê Baye yê Geverê Colemêrgî bombardûman kerdî. Bombardûmanê Geverî de embazê ma Firat  û Serhildan şehîd bîyî.’’