Hemserekê HDPyî yê Êlihî Omer Kulpuyî ANFyî rê qisey kerd.

Kulpuyî pare kerd ke janê Korona ra dima krîzo ekonomîk giranêr bi. Kulpuyî vat: ''Semedê ekonomî bi hezaran kesî mexdûr bîyî. Xeylêk kesan xo kişt. Ciwanî bêkar ê. Êlihî ra merdiman  seba karî verê xo dayêne şaristananê Tirkîya la hînî ney tercîh nêkenê. Çewn nêeşkeno deynanê xo bido. Merdimî hînî nêzanenê se bikerê.

Sîstem ciwanan musneno madeyanê kundoxî. Dewlete merdiman teşwîq kena ke madeyanê kundoxan bişuxilnê, kumar kay bikerê, fuhuş û dizdîye bikerê. Na polîtîkaya şerê taybetî ya dewlet a. Pê nê metodan ciwanî kultur, tarîx û raştîya xo ra yenê dûrîkerdene.''

Omer Kulpuyî dewleta tirke qirkerdişê ciwanan û komelî armanc kena û seba ney kesanê pisporan wezîfedar kena. Kulpuyî vat: ''Madeyê kundoxî, fuhuş, kumar hetê nê kesan ra yenê serûberkerdene. Ma keyeyan ra wazenê ke domananê xo verê polîtîkayan şîyar bikerê û bipawê. Ganî ma vera ney vengê xo berz bikerê.''