Endamê Konseya Rayberdişî ya KCKyî Sabrî Ok bi beşdarê bernameyê 'Rojeva Welat' ê Stêrk TVyî û derheqê rojdemî de qisey kerd. Okî bi taybetî pêvînayîşê telefonî yê bi Rayberê Şarê Kurdî Abdullah Ocalanî ser.

Qiseykerdişê Sabrî Okî ra beşêk wina yo:

''Dewleta tirke bi hawayêkê plankerde û hesabkerdeyî agahîyanê serê Rayber Apoyî pare kena.Labelê hem têgêrayîşê ma hem zî şarê ma nêrazîbîyayîşêko pil mojna. Dewlete vera naye bêçare mende ke pêvînayîşê telefonî bida. Labelê telefon pêvînayîş de birîya. Rayberîye tewirêko zaf manadar mojna.Mesajêko girîng da. Dewleta tirke zanena ke Rayberîye seba kurd û şaranê Tirkîya yena çi mana.

Rayberîye Îmrali de 23 serrî yo xo ver dano. Dewleta tirke zî nê xoverdayîşî ra tersena coka bi her hawayî îşkence kena.CPT û Konseya Ewropa seba qedînayîşê tecrîdî veng da. Birnayîşê telefonî zî tede pêro kerdişê dewleta tirke kerdişê şerê taybetî yê.

Heta ke Rayberîye azad nêna kurdî azad nêbenê, Tirkîya zî azad nêbena. Dewleta tirke naye hol zanena. Sebebê nê krîzanê Tirkîya û kerdişanê AKP-MHPyî nêzdîbîyayîşê vera Rayberîye yo. Heta ke Rayberîye azad nêba û meseleya kurdan çareser nêba na mesele do dewam bikera. A raşte nika îqtîdar zaf qels o û pê faturayêka ke şarî ra birnaye keno ke payan ser o bimano. Sey ê amîralanê ke eşkerayîye daye tay hêzî nika vanê 'dewlete ez a.' Her kes AKP-MHPyî ra ecîz o. 

AKPyî temamîya stratejî û sîyasetê xo çinkerdişê têgêrayîşê ma ser o awan kerd. La faturaya naye giran bîye. Nika îqtîdar pê babeta Peymana Montroyî wazeno xo Amerîka rê şîrîn bikero. Pê vateyêkê bînî yanî wazeno  tawîzan bido Amerîka. Amîralan zî vera ney a eşkerayîye daye. Nê serebûtî eşkera kenê ke nakokî û şerê mîyanê dewlete zêdîyayî.

Tirkîya de muxalefeto esas HDP yo. AKP zî naye ra hêrişê HDPyî keno. Eke partîyanê bînan vera AKP-MHPyî raşta zî xo ver bidîyêne AKP rewî ra şîyayêne. La wina nêkenê. Çunke ruhê înan de tradîsyonê înan de kulturê demokrasî çin o.

Bi taybetî ê meseleya kurdan û demokratîkbîyayîşê Tirkîya ra zaf tersenê. Têna HDP nê meseleyan da bi mesuldarî têgêreno. Hêrişê vera HDPyî zaf ê. Tewr peyên Omer Faruk Gergerlîoglu tepişîya. Gergerlîoglu merdimêko ercîyaye yo û semedo ke îşkence vist rojdem tira wina yeno kerdene. Îqtîdar wazeno kes vera ci qisey nêkero. Tîya de îradeyê tewr pîl hetê HDPyî ra yeno mojnayene. Tewirê HDPyî ercîyaye û girîng o. 

Dayîke Emîne Şenyaşara kokime verê edlîye ronişena û edalet wazena. Qîrayîşê na dadîye esasê pêro eşê komelî yo. No keye zî tewirê xo wina mojneno. Pêro dezgehê têkoşînê demokrasî, kesayet, partî û kesê wayîrwijdanî ganî wayîrê nê têkoşînê Şenyaşaran vejîyê. Ganî a dadîye têna nêra verdayene.

Hukmatê Bexdad û Hewlêrî meseleyê ekonomîkî dayî kiştî Şingalî ser o hesaban kenê. Çira Şingal seba înan hende mesele ya? Êzidîyî qirkerdişî ra derbaz bîyî. Merdimê winasênî qey zerar danê çewî? Wextê hêrişanê vera Şingalî de PDK û Bexdadî seba Şingalî çîyêk kerdo? Çewî çîyêk nêkerd.Êzidîyî nika wazenê abigêrê warê xo û birînanê xo derman bikerê. No waştiş seba Iraq û PDKyî seke tehlukeyîn o.

Ganî PDK û hukmatê Iraqî verî hesab bidê êzidîyan. Hetê bînî ra nê kerdişê vera Şingalî hesabê dewleta tirke yê. Hukmatê Iraqî îradeyê ci esto. Çira vera vano 'dewleta tirke teda kena.' Ê seba waştişanê xo dewleta tirke bahane kenê. Heman çi seba PDK zî derbazdar o. Dormeyê Başûrê Kurdîstanî hetê dewleta tirke ra ameyo îşxalkerdene. Şingal de oyo esas îradeyê şingalijan o. Înan bedelê pîlî dayî. Wa Iraq  û PDK hînî êzidîyan tehrîk nêkerê. Ganî ê îradeyê şingalîjan rê hûrmet bikerê.''