Hemşaredaranê Surî, dimayo ke şaredarîye destê qeyûmî ra girewte, dest bi etudkerdişan kerd û lîsteya deynan ê ke qeyûmî ra mendê dêsê şaredarîye ra darde kerde. Goreyê lîste, şaredarîye de 347 mîlyon û 719 hezar lîrayî akerdişê butçe esto.
Hemşaredarê Partîyan Şaran a Demokratîke (HDP) ya Surî Fîlîz Buluttekîne û Cemal Ozdemîrî, şaredarîya ke qeyûmî ra apey girewta de nêzdîyê 3 hewteyan o etudan kenê. Hemşaredarê ke verê cû zî talan û tehrîbatê qeyûmî rayapêroyî reyde pare kerdibî, na dolime lîsteyêka deynê qeyûmî ser o ameyê nuştene dêsê şaredarîye ra darde kerde.
Goreyê lîste, hemeyê ci 151 mîlyon û 743 hezar û 18 qurişî deyn aseno, 347 mîlyon û 719 hezar lîrayî zî akerdişê butçe esto.
