Komeleya Rojnamegeran a Dîcle-Firatî (DFG) derheqê binpaykerdişanê heqanê rojnamegeran de raporê aşma gulane eşkera kerd.

Raporde ame vîrvîstene ke 3ê Gulane Roja Azadîya Çapemenîye ya Dinya de Hemsereka DFGyî Dîcle Muftuoglu û Edîtorê Ajansê Mezopotamya (MA) Sedat Yilmaz ameyî destbendkerdene û ame vatene ke rixmê heme hêrişan û zextan çapemenîya azade do rayîrê xo rê dewam bikero.

Rapor de binpaykerdişê heqanê rojnamegeran wina meyî rêzkerdene: 8 rojnamegerî raştê hêrişê ameyî, keyeyê 6 rojnamegeran ame sereştene, 9 rojnamegerî ameyî destbendkerdene, 3 rojnamegerî ameyî tepiştene, 4 rojnamegerî raştê muameleyê xirabî ameyî, 4 rojnamegerî ameyî tehdîtkerdene,karê 11 rojnamegeran ame astengkerdene, zîndan de heqê 4 rojnamegeran ameyî binpaykerdene,derheqê 9 rojnamegeran de tehqîqat dîya destpêkerdene, derheqê rojnamegerêkî/e de dosya ameye akerdene, ceza dîyayî 8 rojnamegeran,muhakemekerdişê 71 rojnamgeran dewam keno, 42 dosyayê înan est ê, 79 rojnamegerî zîndan deyê, 29 sîteyê înernetî ameyî qefilnayene, 545 xeberî ameyî astengkerdene, 18 parekerdişê medyaya sanale ameyî astengkerdene.