Koordînasyonanê DGH û DGKH'yî da zanayene, vera tecrîdkerdişê Rayberê Şarê Kurdî Abdullah Ocalanî, yewîyê  înan ê qesasî Amed de çalakîyêka bombeyin a biveng  û xeylî çalakîyê bînî viraştê.

Eşkerayîye de ame vatene, “24'ê Nîsane saete 20:30 de vera Hepisxaneyê Girewteyî yê Amedî yê Tîpê E’yî yo ke girewteyê cinîyî yê sîyasî tede yê, yewîya ma ya qesasî ya Şehîd Zulkuf Gezenî çalakîyêka bombeyin a biveng viraşte. Dimayê çalakîye polîsanê Tirkî wareyê çalakîye girewt binê ablûqa û persayîşê GBT'yî bi hemwelatijan kerd.

25'ê Nîsane taxanê Fatîh û Korhatî yê qezaya Baglarî de, taxa Dîclekentî ya qezaya Peyasî de, yewîya ma ya qesasî ya Şehîde Ayten Beçete dêsan ra sloganî nuştî.”

DGH û DGKH'yî ard ziwan ke, heta ke tecrîdkerdişê Ocalanî nêro wedaritene ê do çalakîyanê xo dewam bikerê û da zanayene, “Têkoşînê ma merheleya netîcegirewtişî de yo. Ma vengdayîş bi ciwanan kenê; seba serkewtişê têkoşînê bi hawayêko hîna fedayî û rêxistinî têgêrayîş bikerê û bi xurtî tewrê hemleya azadkerdişê Rayber Apoyî û Kurdistanî bibê.”