Mazlum Dag û Abdurrahman Er 17ê temmuza 2019î de bi sûcdarîya 'selahîyetdarê MÎTî Osman Kose Hewlêr de kişto' ameybî tepiştene û derheqê înan de bira dardekerdişî dîyabî. Dag û Erî 29ê êlule de vera îşkence, kerdişanê xiraban û bêhuqûqîye grevê vêşanîye da destpêkerdene.

Wird tepişteyan bi telefonî keyeyanê xo de qisey kerd û dîyar kerd ke hêzanê PDKyî înan rê îşkence kerdo.

Goreyê keyeyan wird tepişteyan wina vato: ''Wextê hûmaritişî de pêşmergeyê bi nameyê Yusuf ame, ma rê nêng çina. Wexto ke ma nêrazîbîyayîşê xo mojna, destê makelemçe kerdî û da ma ro. Dima ma eştî hucreyê yewkesî. Yusuf reya hîrêyîn a heman çî keno. Coka ma dest pê rojeyê mergî kerd. Naye ser o heyetê dîsîplînî yê zîndanî venga ma da. Ma qala îşkenceyî kerde. Heyetî ma rê vat 'Binê pirodayîşî rê çîyêk nêbeno, o eşkeno şima bidaliqno zî.' Coka ma rojeyê mergî rê dewam kenê. Ganî şarê kurdî vera nê kerdişan bêveng nêmano.''