Gerîlayê Cengê Heftanînî Mazlûm Pîroyî nameyê Mazlûm Doganî xo rê kerdbi ke bi nê nameyî çarenusê xoverdayîşî zî girewtbi xo milî.

Serra 2015î de mi mîyanê teqayîşê pîlî de ZîlaneDîgor şinasnayeWexto ke mi Zîlanerê vat ke sey Kurdîstanî narîn a vat: ''Bi narînîya xo nê ma bi şerwanîya xo zanîyenê.'' No vatiş bi wesîle û mi Mazlûm Pîro şinasna.

Zîlane bi hesretêkê pîlî amebî Kurdîstanî. Zîlane têna serrêke mîyanê rindîya têkoşînî de menda. Zîlane serra 2016î de kuçeyanê Sûrî de rayberîya fermandar Çîyagerî de şer kerd û şehîd bîye.

Wexto ke mi Mazlûm Pîro şinasna Heftanîn de Zîlane ameye verê çimanê mi. Mazlûm Pîro (Murat Aktaş) Dîgor de dadîya xo ra bîyo. Sey her kurdî/e surgun bîyo.Seba Muratî her çi lez qewimîya. Murat hema ke ciwan bi ame tepiştene. Muratî bire daye ke koyan de nameyê ci bibo 'Mazlûm Dogan.' Dima ke zîndanî ra vejîya ver bi koyan şi. 

Murat serra 2015î de tewrê gerîlayan bi. Murat bi Mazlûm Pîro. Xeylêk cayan ra vîyart ra, bi şahîdê xeylêk serebûtan. Peynî de xo resna Heftanîn. A roje cengî dest pêkerd. Mazlûm Pîro serra 2019î de ame Heftanîn. A roje ra dima bêmabên şer kerd. 

17ê hezîrane de wexto ke îşxalkeran waşt hêrişê Dûpişkî bikerê Mazlûm Pîro gerîla Egîdî reyde di rojan vera îşxalkeran xo ver da. Ez nê ruhî şinasnena. Serra 2015î de kuçeyanê Sûrî yê Amedî de cinîyêk estbî. 'Xoverdayîş cuye ya.' Mazlûm Pîroyî rûhê Zîlane û ruhê Mazlûm Doganî kiriştêne. Hemparîya ruhê rindî warê cengî de Heftanîn de da milê xo ser.