Endama Komîteya Merkezî ya PKKyî Dilzare Dîlok ANFyî rê qisey kerd û rojdem ercna.

Dilzare Dîlok vat: ''Rayber Apoyî reyde çendê pêvînayîşî ameyî kerdene. Bêguman çekuya 'prosesî' qiseyêko sehrîn nîyo ke cade hêrişan vindarno. Dewleta tirke zî hetêkî ra bi giranî hêrişanê xo yê vera Rojawan, Vakur û Başûrî dewam kena. Yanî şîdet hema zî dewam keno. 

Qiseyê 'Wa Ocalan Meclîs de qisey bikero, coka wa qanûnê heqê hêvîye bêro caardene' baska tewr netewepereste ra ame vilakerdene. Tabuyê Tirkîya yo tewr pîl 'parçebîyayîş' o. Tabuyo diyîn PKK û Rayber Apo yê. Yeno tersayene ke tabuyo diyîn aya yewine bîyaro ca. Nameyê ci nêameyo dayene ke her prose de ganî Rayber Apo bieşko qisey bikero. 

Îqtîdarê AKP-MHPyî hema bi cidîyetî nêzdîyê mesele nêbi. Ziwano ke Bahçelî şuxilneno, cîyaker o û ziwanê înkarî yo. Bahçelî hem veng dano hem zî ziwanê înkarî şuxilneno. Ganî sîyaset bi hawayêkê paştdayîşî bêro kerdene. Ziwanê înkarî tesîrê çapemenîye zî keno. Îqtîdar û medya ganî nê ziwanê jehrînî biteriknê.

Yeno waştene ke wa PKK çekanê xo war verdo. La ney bi qiseyê 'qedînayîşê terorî' yeno namekerdene. Her roje ekranan ser de bazirganê şerî ders danê. Seba şerkerdişî sebebê kurdan zaf ê. Eke nê sebebî bêrê wedaritene no do faydeyê şaranê Tirkîya zî bêro kerdene. Çunke faturaya şerî şaran rê birîyena. 

Tesbîtê ke Rayber Apoyî 25 serrî verî kerdibî bi serebûtanê Sûrîye newe ameyî famkerdene. Hêvîya ma hertim est a. Seke Rayber Apoyî vatêne 'Hêvî serkewtişî ra zafêr ercîyaye ya.' Prosesêk dest pêbikero zî dest pênêkero zî têkoşînê ma do dewam bikero. Xoverdayîşê Rayberê ma Îmrali de bi qerardarî dewam kenı. Erkê ma yo ke ma zî nê xoverdayîşî rê dewam bikerê.''