Dewleta tirke ya îşxalkere vera Gerîlayanê Azadîye yê Kurdîstanî bombayanê qedexeyan û çekanê kîmyewîyan şuxulnena. Sûcê şerî yê dewleta tirke bi desan rey ame îspatkerdene la hukmatê şerê taybetî yê AKP-MHPyî tim nê red keno.

Dîmenê neweyê ke resayî ajansê ma bombardumanê çekanê kîmyewîyan o ke têdima bi rojan yeno kerdene mojneno. Dîmenan de heqîqet yeno vînayene.

Dîmenî Girê Şehîd Pîrdoganî yê Warê Xoverdayîşî yê Girê Amedîyê yê Metîna ra yê. Dewleta tirke 4ê temmuze ra nata kena ke nê warî bigêro binê kontrolê xo. PDK 27ê tebaxe de rayîr berd Warê Xoverdayîşî yê Girê Amedîyê û bi hemkarîya dewleta tirke hêrişê gerîlayan kerd.

Dewleta tirka ke nêeşkena têkoşînê gerîlayan bişikino pîya bi PDKyî vera gerîlayan bombayanê qedexeyan û çekanê kîmyewîyan şuxulnena. Xoverdayîşê gerîlayan hema dewam keno.