Merkezê Îrtîbatî û Çapemenîye yê HPGyî derheqê hêrişanê dewleta tirke ya îşxalkere de nê zanayîşî dayî:

''Şarê Kurdîstanî rixmê pêro hêrişanê dewleta tirke ya îşxalkere  pê ruhê xoverdayîşê gerîlayan ê Mamreşo, Zendûra, Girê Sorî û Werxelê herikîya waranê Newroze. Hêzanê ma yê gerîlayan zî her warî de bi coş û merasîmanê heybetînan Roşanê Newroze fîraz kerd. Artêşa tirke ya îşxalkera ke no tewiro heybetîn ê gerîlayan û şarê kurdî pê nêşi vera Herêmanê Pawitişî yê Medya bombardumanê giran û hîrayî kerdî.

Detayê hêrişan wina yê:

12ê adare de warê Werxelê yê herêma Avaşînî, 14ê adare de dormeyê dewa Sêdarê yê Garê, kendalê Girê Biharî yê Zapî, warê Golka yê Metîna, warê Werxelê yê Avaşîn, warê Saca û kendalê Girê Şehîd Şerîfî yê Xakûrkê, 16ê adare de Girê Koordîne, Kela Qumrîye, dormeyê dewanê Serarû, Êdinê, Dergele û Deşîşê, kendalê Girê Ortê û warê Girê Cehenem û Karkerî yê Zapî dîyayî bombayan ver.

17ê adare de warê Şehîd Şahînî yê Zapî, 19ê adare de warê dewa Gûze yê Garê, warê dewa Fileha, warê Kûnişka, 20ê adare de warê Werxelê yê Avaşînî, Kela Bedewê ya Zapî, 21ê adare de warê Kafya yê Garê, Girê Amedîyê û Girê Biharî yê Zapî, Girê FMyî, warê Saca yê Zapî dîyayî bombayan ver.

16ê adare de xeta Qaşûra ya Metîna de têgêrayîşê helîkopteran qewimîya.''