Qezaya Cizîre ya Şirnexî de domano 15 serre D.E. semedo ke cixareyê qeçaxî roşeno hetê polîsan ra 9ê çeleyî de ame destbendkerdene. Polîsan Mudirîya Asayîşî ya Cizîre de bi zorî pê domanî merşê îstîklalî yo faşîst wend. D.E. tedaya polîsan ra temamîya roje de merşo faşîst wend. D.E. dia hetê mehkeme ra vera dîya.

Dîya zanayene ke polîsan wexto ke D.E. vera da ci rê gef wend û vat: ''Ma her hewte xebatêka keyeyî bidê to. Eke ti nê wezîfeyî nêkero ma do bimojnê to.''

Dadîya D.E. derheqê babete de qisey kerd û vat: ''Lajê mi o merş hende wendo ke wexto ke ame keye fekê ci ziwa bibi û nêeşkayêne qisey bikero. Polîsan vato ê do her hewte xebata keyeyî bidê lajê mi. Ma ney qebul nêkenê.''

Dadîya D.E. pare kerd ke a do gerreyê nê polîsan bikera.