Fermandaranê gerîlayan ra Dr. Mazlum Dersimî  wesîleya serrgêra Komployê Mîyanneteweyî ANF reyde qisey kerd.

Dersimî   rexneyê ''embazîya kême'' vist vîr û vat: ''Eke ma bi Rayberîye embazîya raştikêne bikerdêne ma bi kêmasîyanê xo zemîn nêviraştene ke komplo bi asanî bêro kerdene. Ma Rayberê xo ra efûya xo wazenê.''

Dr. Dersimî îfade kerd ke zor û zehmetîyî ameyî antene, bedelê giranî ameyî dayene labelê heta ke têkoşîn dewam bikero komplo do ser nêkewo.

Dr. Dersimî vat: ''Heta ke ma Rayberê xo azad nêkerê, heta ke ma heqanê şarê kurdî yê ke ameyî xespkerdene nêdê şarê xo ma do têkoşînê xo ra fek vera nêdê. Dewleta tirke ça de kurdêk bivîna hêrişê ci kena. Erdogan seba ke gonîya kurdan birijno xo erzena lînganê welatanê bînan bin. Ma do peynîya ci bîyarê. Ê wa vera ma lîsteya sûre yan zî grî zî amade bikerê labelê ê lîsteya ma ya reşe de yê. Êyê ke rolê înan 'Roja reşe' de estê zî lîsteya ma ya reşe de yê.''