Mîyanê PKKyî ra bi hezaran qehremanî vejîyayî û înan şertanê tewr zehmetan de zî serkewtişî afernayî. Nînan ra yew zî Egîd Garzan bi.

Egîd Garzan 1975 de qezaya Qaxizmanî ya Qersî de dadîya xo ra beno û keyeyêko welatperwerî de beno pîl. Keyeyê ey zulmê dewlete ra neçare maneno ke koçê Anqara bikero. Egîd Garzan metropolanê Tirkîya de zî qetî kesayetê xo ra fek vera nêdano û cuya koletîye qebul nêkeno. Serranê 90an de wexto ke zulmê dewleta tirke hîna zêdîyabi o zî hînî têkoşînê PKKyî şinasneno.

Egîd Garzan 1993 de Garzan de tewrê gerîlayan beno û bi serran Garzan de serkêşîya çalakîyanê serkewteyan keno. O Zagrosan de 18 serran bêmabên dano dişmenî ro. Dima zî Zap, Qendîl û Garê de şahidîya serkewtişanê pîlan keno. O şerê Zapî de pa Fermandar Reşîd Serdarî de xoverdayîşêkê pîlî mojneno. Zagrosan ra dima o verê xo dano Botanî û bi coş û kelecanêkê pîlî tîya de têkoşîn keno. Dima derbazê Xakurkê beno. Garzanî ra heta bi Zagrosan, Botanî ra heta bi Xakurkê 27 serran waranê Kurdîstanî de şer kerd. O xeylêk reyî birîndar bi la helêke zî koyanê azadan ra dûrî nêkewt. Tehluke kam ca de bîyo o zî uca de bi.

O tim beno perwerê Rayberîye, şehîdan û şarê xo û tim felsefeya Rayberîye û xeta şehîdan xo rê keno esas. Egîd Garzan beno çimeyê moral û heskerdişî yê embazanê xo û qetî yewîya neteweyîye ra fek vera nêdano. Fermandar Egîd Garzan tebaxa 2020î de hêrişê dewleta tirke de bi hemkarîya xayînan tewrê karwanê şehîdan beno.