Xeylêk herêmanê şerê Botanî de koyanê Besta, Kêla Memî, Gabar û Herekolî de ma hêzanê gerîlayan reyde mendî. Ma herêmanê Cûdî û Katoyî de gerîlayan reyde têkilîye naye ro.

Koyanê Botanî de gerîlayê azadîye 36 serran o şer kenê. Gerîlayê ke serê koyan de, binê erdê çeperan de awe danê xo nê cayan kenê merkezê şer û cuye.

Besta

Gerîla û fermandara Besta Nûjîne Sêrt ana ziwan ke serra 2020î de armancê înan o verên wedaritişê tecrîdê vera Rayberîye û azadkerdişê welatî yo. Nûjîne îfade kena ke seba naye çi bedel hewce bibo ê do bidê. Fermandare Nûjîne vana ke gerîlayî tarzê şerê neweyî rê amade yê û wisarî ra nata ê hêrişanê artêşa tirke çalakîyan kenê.

Gabar

Ma gerîlayanê Gabarî rê operasyonan persenê. Gerîlayî vanê: ''Dewleta tirke derheqê operasyonan de rayaumûmîye xapînena. Ma vera ÎHAyan tim ser kewenê. Eke ma leşkeran bivînê ma do bidê piro. La ê do qereqolan de wina rehet nêciwîyê. Ma do qereqolê înan birijnê.''

Kêla Memî û Herekol

Gerîlayanê Kêla Memî û Herekolî Azîme, Zelale, Birûsk, Berxwedan û Yekbûne xeylêk çalakîyan de ca girewt. Gerîla Nûda Sumbul vana:''Dewlete vana înan Herekol de baregehê ma rijna. La o çax kamî çalakîyê Berwarî û Qilebanî kerdê? Çalakîyê gerîlayan medya de ca nêgênê la leşkerê înan zî tewrê operasyonan nêbenê û seba qedînayîşê leşkerîye rojan hûmarenê. Ganî nê hetê şerê Kurdîstanî bizanîyê.''

Cûdî

Cûdî de tim operasyon û çalakîyê gerîlayan dewam kenê. Gerîlayê Cûdîyî yê YJA-Starî vanê: ''Medyaya tirkan zûran kena. Na zî hîşmendîya înan mojnena. Wa leşkerî bizanê ke heta ke ma tîya de bibê her xîretê înan do gonîya leşkeran bivîno.''

Kato

Hêzanê herêma Katoyî ra Sari Îbrahîmî vano: ''Ma nê koyî bi bedelan girewtî. Merg seba ma manaya estbîyayîşê cuya azad a. Wa dişmen baş bizano ke heta ke fedayîyê Apoyî weş bibê no erd nêbo ê îşxalkeran.''