Partîya Merdiman û Azadîye (PÎA) di serrî yo xîret kena ke sey partîyêke bêra qebulkerdene. Muracatê PÎA her reye pê bahaneyêke yenê redkerdene. Tewr peyên zî seba ke karmend nîyê muracatê PÎA nêame qebulkerdene.

Serekê PÎA yê Wanî Munîr Mavîşî derheqê mesele de ANFyî rê qisey kerd û îfade kerd ke seba ke ê partîyêka kurdan ê maruzê nê kerdişan benê.

Mavîşî vat: ''Ma pêro rayîran ceribnenê, ma xo ver danê. Ma fikrê demokratîkî pawenê. Amed, Riha, Adana, Îstanbul, Semsûr, Dîlok, Îzmîr û xeylêk cayan de xebatê ma yê rêxistinîye estê.Embazê ma wexto ke şîyî Wezaretê Karanê Zereyî înan netîceyêke nêgirewte, verê înan ame girewtene. Wezaretî xîret kerd ke uca de embazanê ma destbend bikero. Embazê ma hema zî Anqara de yê. Eke ma partîya kurdan nêbîyêne no teşxele nêameyêne ma sere.''

Mavîşî peynîya qiseykerdişê xo de ard ziwan ke ê do vera pêro bêhuqûqî, neheqî û astengîyan xo ver bidê.