Roşnvîr, nuştox, çimdarê sîyasî û Şêwirmendê Dezgehê Standerî Mesûd Abdulxaliqî ANFyî rê derheqê rewşa Başûrê Kurdîstanî de qisey kerd.

Ebdulxaliqî  derheqê pêkeridişê PDK û Têgêrayîşê Sadrî de na hişyarîye daye: ''Nika statuyê Herêma Kurdîstanî qels o. Nê vurîyayîşî mojnenê ke do zerarê pîlî biresê serê Herêma Kurdîstanî. Hukmat û Tirkîya seba petrol û gazê Başûrî pêkerd. Coka Erdoganî vato 'Ez tirkîya bi gazî germ bikera.' No têgêrayîş do derbêka pîle bido Başûrî ro. Eke îqtîdarê herême wina dewam bikero do derbê pîlî bêrê dayene Kurdîstanî ro.''

Mesûd Ebdulxaliqî îfade kerd ke mehkemeya federale ya Iraqî selahîyetê rotişê gaz û petrolî dayo îqtîdarî û vat: ''Na bire sîyasî ya. Heqê hukmatê Iraqî est o ke biranê mehkeme bîyaro ca. Bira mehkeme verê çimeyanê Başûrî gêna. Iraq, Tirkîya û Îran sey hêzê îşxalkerî pênase kenê labelê gefo esas hukmatê PDKyî yo ke îmkan dano îşxalî.''