Aktîvîst û çimdarê sîyasîyî Selah Saleyîyî reşwa peyê serebûtanê 16ê teşrîna verêne ya 2017î, rewşa Kerkûkî û nêzdîbîyayîşê hukmatê Sadr, sûnîyan û Barzanîyan ANFyî rê ercnayî. 

Saleyîyî vist vîrî ke Saddamî ra dima kurdan Kerkûk newe ra vistbi destî la xayînîya 16ê teşrîna verêne ya 2017î ra dima Kerkûk newe ra destî ra vejîyayo. Saleyîyî vat: ''Nika Kerkûk hetê leşkerî  û îdareyî ra destê hukmatê Iraqî de yo. Şaristan de bi desan hêz û komê leşkerî est ê. Şaristan kaosêkê pîlî de têrî yo. Alozîya mabênê PDK û YNKyî ra kurdê Kerkûkî mexdûr bîyî. Walîyêkê erebî reyde Kerkûk de erebbîyayîş dest pêkerd. YNK polîtîkayanê Îranî, PDK zî polîtîkayanê Tirkîya ano ca. Beno ke Kerkûk de şerê eşîr û mezheban vejîyê. Coka ganî selahîyetdarî xo şerê zereyî ra bixelisnê û pêbikerê.

PDK ganî Sadr û sunîyan de nê partîyanê kurdan de pêbikero. Têgêrayîşê Sadrî vera kurdan o. PDK seba menfaat û rayan nêzdîyê Sadr û sunîyan beno. Modelê Rojawanî ganî pêro parçeyanê Kurdîstanî de bêro caardene.Têkoşînê ciwananê kurdan ê Rojawanî dinya rê bi mîsal. Ma wazenê ke Başûrê Kurdîstanî de zî konfederalîzm wa bêro awankerdene.''