Hemserekê verênî yê Partîya Azadîye û Demokrasî ya Êzidîyan (PADÊ) Emer Salehî derheqê operasyonê YBŞyî û Hêzanê Asayîşê Şingalî yê vera ajananê PDK û MÎTî de ANFyî rê qisey kerd.

Salehî da zanayene ke tepişîyayîşê ajanan seba komelê êzidîyan têgêrayîşêko faydeyîn o û vat: ''Armancê PDK û dewleta tirke no yo ke êzidîyî bikewê pê û yewbînan bikişê. Planê înan ame şiknayene. Eke nê ajanî nêrê tepiştene xirabîya vera komelê êzidîyan do nêqeda.

PDKyî çend reyî Şingal de provakasyonî kerdî ke aramîya Şingalî çin bikero. Seba ke êzidîyî anêgêrê Şingalî PDK sere dano rayîranê gemarinan. Ewro rîyê înan eşkera bi. Ganî keyeyê Şingalî bale xo bidê domananê xo ser ke pê kayanê gemarinan mexapîyê. Planê PDK û dewleta tirke Şingal de do bêrê binvistene. Eke ma paştî bidê hêzanê xo yê asayîşî, dişmen do qetî ser nêkewo.''