Endamanê Meclîsê Şaredarîye yê HDPyî waşt ke Şaredarîya Qoserî de ke ci rê qeyûm amebi tayînkerdene beşdarê kombîyayîşê meclîsî yê mengane bibê. Polîsan destûr nêda ke endamî dekewê zereyê bîna. Mabênê polîsan û endamanê şaredarîye de munaqeşayî vejîyayî. Polîsan îdîa kerd ke endamê meclîsî têna eşkenê bi 'waştişê şaredarî' kom bibê û 'şaredarî' çîyêko winasên nêwaşt. 

Muneqeşayan wextêk dewam kerd. Endamanê meclîsî israr kerd ke debikewê bîna. Balkêş o ke amîrêkê polîsan endaman rê vat:''Eke karê şima esto şorê keyeyanê xo, ez do personelan bierşawa keyeyanê şima.'' Endamî wextêk verê bînaya şaredarîye de vindertî û dima uca ra agêrayî.