Endamê Meclîsê Ciwanîye  û Heyetê Rayberdişî yê Merkezê HDP’yî Çerko Mîmkara û 8 tenê bînî yê ke 29’ê Adare de Siwêregê Riha de seretişê keyayan de  ameyîbî destbendkerdene,  nînan 5 tenî ameyî tepiştene.

Çerko Mîmkara, Xebat Mîmkara, Tevbûn Mîmkara, Şehrîban Mîmkara, İlyas Korkmaz, Levent Korkmaz, Cemîl Bazer, Halîl Delen û Ayşe Gulere ke 12 rojî yo Riha de nezaretê yenê tepiştene, ewro vejîyayî mehkema. 4 kesî bi şertê kontrolê edlîyî serbest ameyî veradayene. Çerko Mîmkara, Xebat Mîmkara, İlyas Korkmaz, Levent Korkmaz û Cemîl Bazer ameyî tepiştene. Ame zanayene ke Çerko Mîmkara nezaret de îşkence dîyo û waya ci Evîn Mîmkara ke şîya serdana birayê xo polîsan aye ra waşt ke ajanê bikero.