24ê çeleyî de şewe merkezê ci Xok Xarpêt de bi girdîya 6,8 erd lerzabi. Erdlerz Amed û Meletî ra zî amebi hîskerdene. Erdlerz de 41 hemwelatîyan dinyaya xo bedilnaye û 2 hezar hemwelatîyî zî birîndar bîyî.

Erdlerz de b taybetî dewan de acûr û banî rijîyayî, xeylêk heywanî telef bîyî.

Erdlerzî ra dima hetkarîya HDPyî amebî astengkerdene û dewleta tirke nêverda ke heyetê HDPyî debikewo şaristan. HDPyî bi rayîranê cîya-cîyayan hetkarîye resnaye hemwelatîyanê Xarpêtî.

Erdlerzo ke serdê zimistanî de qewimîya tesîrê hemwelatîyan kerd. Dima ke hemwelatîyî binê serdê çeleyî de xeylêk teber de xeyman de mendî, tay konteynirî dîyayî înan. Selahîyetdaranê dewlete soz dabi ke ê do TOKÎyan de ca bidê hemwelatîyan.

La hema zî şarê Xarpêtî konteyniran de maneno.

24ê çeleyî ra dima xeylêk reyî Xarpêt de erd lerza la hema zî şaristan de dewleta tirke vera erdlerzî tedbîran nêgêna.