Polîsan Mersîn de bi operasyonanê qirkerdişî yê sîyasîyan ê hemwextî eşt xeylî keyeyan ser. Polîsan bi tehqîqatê Dozgerîya Komare ya Mersînî eşt keyeyan ser û dest na xeylî malzemeye dîjîtalî ser. 

Xebatkarê rojnameyê Yenî Yaşamî, Murat Sekvan û Tuba Salmane, endamê Meclîsê Ciwanan ê HDP’yî yê Mersînî Rojda Salmane, Dîyar Turgut, Vedat Turgut, Hîzbullah Ekîncî û yew keso ke nameyê ci nêno zanaye tepiştî. Qaso ke xebere ameya girewtene polîsan tepişteyî berdê Mudirîya Ewlehîye ya Bajarê Mersînî.

TEKMAN DE SEREŞTIŞÊ KEYEYAN

Qezaya Erziromî ya Tatosî de zî polîsan eşt xeylîkeyeyan ser. Polîsan eşt keyeyê namzede HDP’yî yê Şaredarîya Tatosî Muzahîr Karakuşî ser û xebatkara HDP’yî ya Tatosî Mehtap Demîrkaya û Abdullah Eser tepiştî.

GIMGIM DE 3 KESÎ AMEYÎ TEWQÎFKERDENE

Qezaya Gimgimî ya Muşî de zî 9’ê Adare de polis û leşkeran eştbî xeylî keyeyan ser û 11 kesî tepiştîbî. Tepişteyî vizêrî şan ardî adlîye û bi îdîaya “Endamê rêxistinî bîyayîş” ra sewqê mahkemeyê nobedarî kerdî. 11 kesan ra 8’ê înan serbest ameyî veredayene û 3 kesî ameyî tewqîfkerdene.

Namzedê Meclîsê Pêroyî yê Bajarî yê HDP’yî Şerafettîn Ozturk, lajê ci Îsmet Ozturk û Mehmet Ertaş ameyî tewqîfkerdene û erşawîyayî Hepisxaneyê Tîpê E’yî yê Muşî.