Dewleta Tirkî 25’ê Nîsane û 1’ê Gulane de eşt serê taxa Aşqanî ya Payîzava ya Wanî. Operasyonan de eskeranê Tirkî heqaret û nengî bi şarê taxe kerdî. Operasyonanê verênî de şar  bi saetan  wareyê dewe de ameyî virdernayene û dest nîya serê erzaqanê şarî ser. Tayê erzaqî zî eştî Çemê Nordîzî.

Erzaqê şarî kerdî ‘çîyê ke stargehan de ameye destkewtene’

Reya verêne eskeranê Tirkî 25’ê Nîsane de bi 9 helîkopteran eşt serê taxa Aşqanî. Sereştişî de Abdûrrahman Dîk ame destbendkerdene û Dîk qereqolo keheno serakerdeyî yo ke taxe de rojêk  ame vindernayene.  Eynî roje de heme şarê taxe wareyê dewe de binê serdî bi saetan ame vindernayene. Tayê telefonê dewijan ci ra ameyî girewtene û taxa ke 36 saetî bine ablûqa de menda, erzeqê şarî wareyê dewe de ardîya pêser û nê erzaqî  seke ‘erzaqê ke stargehan de ameyê destkewtene ‘ ameyî pêşkêşkerdene. Kînyas Gencero ke Ajansê Mezopotamya rê qisey kerdo, ard ziwan ke înan rê heqaret ameyo kerdene  û vat ke, “Şodir ra heta şan ma nêeşkayî alef bidê heywananê xo. Erzaqê ke qaşo yê PKK’yî yê, heme yê şarî yê.”

Heywanê înan ameyî kiştene, erzaqê ci ameyî veşnayene

Vizêrî zî eskeran eşt serê taxe û kesê bi nameyê M. Kasim Koçak (45) û Menav Kaçak (55) ameyî destbendkerdene. Halîya Koçak a ke eskeran eşto serê keyeyê înan zî da zanayene ke eskeranê sîvîlan şirmaqe eşta lajê ci. Fevzî Koçakî zî da zanayene ke rîyê nê serebutan ra di rojî yo ke o nêeşkeno heywanê xo bivejo teber, 2 pesê înan axure de merdê û vat, “Eşt serê taxa ma û heme berê ma şiknayî. Şekir û sola ma rişnayî bi erd.”

Îşkenceyo bi awa germine

Mehdî Koçako (19) ke eskeranê Tirkî şirmaqe eşte ra ci da zanayene ke bado zî eskeran bi pîna dayo ey ro. Ferhat Gencero ke amebi derbkerdene zî da zanayene ke bi pîne û girmikan dayo vile û paşta ey ro. Gencerî ard ziwan ke, wexto ke ey persanê eskeran ra vato ‘nêzana’, eskeran termosê çaye akerdo û awa germine eşta rîyê ey. Operasyonê vizêrî de zî eskeran alayê HDP’yî û posterê hemserekanê Pêroyî yê HDP’yî Pervîn Bûldane û Sezaî Temellî veşnayî.