Warê Girê Xwedê û Boxazê Benê yê herêma Avaşînî de şewdirê 7ê teşrîna peyêne ya 2020î, de tekmîlê çalakîye cîhazan ra ame dayene. Gerîlayî pê hesîyayî ke dişmen ameyo herême coka ê zî têgêrayê. Tekmîl de ame parekerdene ke gerîlayan rixmê teknîk û metodanê dişmenî dabi çeperanê dişmenî ro. Têna 3 gerîlayî, 3 çekî şîbî serê leşkeranê qereqolî. Wexto ke ma nînan ser o fikirîyayêne tekmîlî dewam kerdêne. Çalakîye de 7 leşkerê dişmenî kişîyabî, çeperê înan ameybî îmhakerdene.

Peynîya tekmîlî wina bîye: ''Na çalakîye de embaza ma Eylema ke heta guleyê xo yê peyênî şer kerd, bi giranî birîndare bîye û peynîya çalakîye de şehîd bîye.''

Mîyanê manga de bêvengîye virazîyaye. Ma zaf kewtî embaze Eyleme ver. Ma goş nayêne embaz, şerwan û fermandaran ser ke qala embaze Eyleme kerdêne. Ziwanê her kesî de heman çeku û vateyî estbî: fedakarî û kede. Gerîlayanê Avaşînî seba ke qesasê Eyleme bigêrê dest eşt çekan. Şehadetê Eyleme Dilxwaz mîyanê gerîlayan de bi sebebê çalakîyan ê newîyan.