Zîlane heta şewe vera pastaran şer kerd û birîndar bîye. Zîlane nêwaştêne ne bedenê ci ne zî hacetê têgêrayîşî bikewê destê dişmenî. Zîlane de şîfreyê têgêrayîşî estbî. Birîne Zîlane ra gonîye rijîyayêne. Zîlane pê qewetê xo yê peyênî şîfreyî vetî û vêşnayî. Cayê ci roşnîya şîfre ra deşîfre bibi. Guleyê ci qedîyabî. Zîlane pîmê bomba akerd û sey merdeyan xo erd de kerd derg.

Dîşmenî hêdî hêdî nêzdîyê ci bîyî û vatêne: 'Teslîm be.' Zîlane bêveng erdî de xo derg kerdbi. Wexto ke dişmen nêzdîyê aye bi Zîlane bombaya xo teqnaye û dişmenî ra qesasê xo girewt. Dişmen mat mendbi, mergê ci estbî. Dişmen bedenê Zîlane yo nêmcet peyê wesayîtî rê girê da û taxanê Ciwanroyî de çarna. Nê serebûtî ra dima bi desan ciwanê Ciwanroyî pê hêrs û hîsê qesasî tewrê PKKyî bîyî.

Wird kênaapî Vîyane û Zîlane pîya tewrê têgêrayîşê azadîye bibî. Wird zî sey wayan bibî pîl. Gerîla Vîyane wina qala Zîlane kerde: ''Ma pîya tewrê gerîlayan bîyî. Ma heman çirikî ra awe werde, heman rayîran ra şîyî. Şehadetê aye mi rê zaf tesîr kerd. Ez hînî bi îdîayêka pîle rayîrê azadîye de şina. Zîlane her tim zerrîya xo ra qisey kerdêne. Pê deyîran her çi ardêne ziwan. Mi zî bi sayê aye gerîlayî şinasnayî. Wexto ke aye embazan ra behs kerdêne kelecan kewtêne zerrîya ci. Embazan ma rê nameyê Zîlane û Vîyane dayî. Çunke nê wird kesî zî perwerê Rayber Apoyî bibî. Seba ke ma layîqê Rayber Apoyî bibê ma tim têkoşîn kerd. Ez do qet cayê Zîlane veng nêverda. Vera xeta îxanetî ganî têkoşînêko pîl bêro kerdene. Bi taybetî ganî ciwanê Serdeşt, Ciwanroyî rayîrê Zîlane teqîb bikerê û qesasê Zîlane bigêrê.''