Merkezê Îrtîbatî û Çapemenîye yê HPGyî bi eşkerayîyêke nasnameyê hîrê şehîdan eşkera kerdî. Eşkerayîye wina ya:

''Dewleta tirke ya qirkere 2016 de pê pêro îmkananê xo yê leşkerî, sîyasî û ekonomîkan hêrişê partîya ma PKKyî kerd la gerîlayanê azadîye Herêmanê Pawitişî yê Medya ra heta Vakurê Kurdîstanî û metropolanê Tirkîya bi xoverdayîşêkê tarîxî cewab da nînan. Dewleta tirke hesab kerdêne ke pê nê hêrişan îradeyê partîya ma teslîm bigêra la raşta îradeyê gerîlayanê azadîye ameye. Gerîlayanê Kurdîstanî pê bi seyan çalakîyanê xo derbê giranî dayî artêşa îşxalkere ro. Bêguman nê çalakîyan de embazê ma yê ercîyayeyî şehîd bîyî. Şehîdê ma yê qehremanê ke bi qerardarî û bawerî şîyê serê dişmenî afernayoxê erjan ê raştikên ê ke morê xo danê nê dewrî. Nê xoverdayîşê destanwarîyî de embazê ma Botan Bêlatî Herêmanê Pawitişî yê Medya de, embaz Şerzan Agirî Serhed de û embaz Zagros zî Cûdî de şehîd bîyî.

Nasnameyê embazanê ma yê şehîdan wina yê: 

Nameyê Qodî: Botan Bêlatî Name û Peyname: Cengiz Yılmaz Cayê Bîyayîşî: Colemêrg Maye-Pî: Nadîye – Mehmet Tarîx û Cayê Şehadetî: 2016/ Herêmê Pawitişî yê Medya

Nameyê Qodî: Şerzan Agirî Name û Peyname: Yakup Aslan Cayê Bîyayîşî: Agirî Maye-Pî: Fehîme – Tahîr Tarîx û Cayê Şehadetî: 2016/ Serhed

Nameyê Qodî: Zagros Name û Peyname: Mervan Taşdemir Cayê Bîyayîşî: Mûş Tarîx û Cayê Şehadetî: 2016/ Cûdî

Embaz Botan Colemêrg de dadîya xo ra beno. Embaz Botano ke domanîya xo de tedaya dewlete dîbî, tewrê xebatanê ciwanan beno û yeno destbendkerdene. Embaz Botan dima seba têkoşînêkê xurtêrî 2013 de tewrê gerîlayan beno. O hêverî Zagrosan de gerîlatîye keno û hetê îdeolojî ra zî tim xo aver beno. Embaz Botano ke fermandarêkê baske bibi, vateyê ci yo peyên beno 'Ma mewzîyê dişmenî pakî kerdî, şinê.' O pê nê ruh û xîretê têkoşînî beno îsbatê hêzê gerîlayan û fedayîtîya Apogîran. Hîkayeya ci ya destanwarî do tim ma rê biba fermanê serkewtişî û o do tim mîyanê qehremananê Zagrosan de cabigêro.

Embaz Şerzan Agirî de dadîya xo ra beno.  Embaz Şerzan tim keweno peyê cigêrayîşan û wextê zanîngehî de zî tewrê xebatanê ciwanan beno. Embaz Şerzan şehadetê embazanê xo ra dima seba qesasê înan 2015 de tewrê gerîlayan beno. O Vakurê Kurdîstanî de gerîlatîye keno û Eyaletê Serhedî de têkoşînêkê zixmî ano ca. Embaz Şerzan akademî de hetê îdeolojî ra zî xo aver beno û tim keno ke meseleyan çareser bikero. Embaz Şerzan 6ê teşrîna peyêne ya 2016î de warê Tendurekî de Kirê Tûtaxî de operasyonêk de bi fedayîtî şer keno û xeylêk îşxalkeran zî ceza keno. O nê pêkewtişan de bi qehremanî şer keno û tewrê karwanê şehîdan beno.

Embaz Zagros Mûş de dadîya xo ra beno. Embaz Zagroso ke domanîya xo de tim xeyalê gerîlatîye kerdêne 2013 de xeyalê xo ano ca û verê xo dano koyanê azadan. O perwerdeyê gerîlatîye Botan de vîneno û xo felsefeya Rayber Apoyî de aver beno. Embaz Zagros qet xo perwerdeyan ra dûrî nêgêno. Embaz Zagros wextê hêrişanê 2015î de Cûdî de vera dişmenî bi aktîfî şer keno û seba ke Şerê Şarî yo Şorişgêr ser bikewo kedêka pîle dano. Embaz Zagros 28ê teşrîna peyêne ya 2016î de operasyonê dişmenî yê vera Cûdîyî de vera îşxalkeran heta nefesê xo yê peyênî şer keno û beno şehîd.

Embazanê ma Botan, Şerzan û Zagrosî Herêmanê Pawitişî yê Medya ra heta Vakurê Kurdîstanî vera îşxalkerîye û sîyasetê qirkerdişî xeta xoverdayîşî awan kerde. Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''