Farqîn de şarî vera DEDAŞî nêrazîbîyayîş mojna ke hacetê humaritişê ceyranî keyeyan ra kiriştbi dîrekan. Nayî ser ceyran ame birnayene. Hemwelatîyan na rewşe protesto kerde.

Taxa Konakî ya qezaya Farqînî ya Amedî de şarî DEDAŞ protesto kerd ke hacetê humaritişê ceyranî keyeyan ra kiriştbi dîrekan. Nayî ser o DEDAŞî saetanê şanî de ceyranê taxe birna. Hemwelatijî seba ke na rewşe protesto bierkê kuçe de ameyî têhet, adir nata û tencik û tewayî kuwayî. Şarê taxe sloganî eştî û vat ceyran heqê înano ê do heqê xo bîgirê.

Îdarekarê HDPyî zî ameyî taxe û paştî daye çalakîya hemwelatîyan. HDPyîjan vat ê do tim kişta şarê xo de bê.

Çalakîye heta saetanê ereyî yê şewe dewam kerde.