Koyanê Kurdîstanî de fedayîyanê Apoyîyan yewna dewreyê perwerdeyî bi serkewtişî temam kerd. Fedayîyanê ke  30ê hezîrane de roja çalakîya fedayîye ya Fermandara Bêmerge Zîlane (Zeynepe Kinaci) de perwerdeyê xo qedîna, merasîmê mezûnîyetî kerd.

Fedayîyê ke rêça Fermandara Bêmerge Zîlane de rayra şinê badê prosesê perwerdeyî yê serkewtişî kewtî rayîrê warê wezîfeyê xo.

Fermandarê gerîlayanê fedayîyan ke merasîmî de qisey kerd nê vatî: ''Ewro serrgêra şehadetê 28. ya embaze Zîlane ya. Embaze Zîlane bi çalakîya xo ya fedayîye mojna ra ke gerîlayê fedayîyî tim peyê paştîya Rayberîye de yê, her wext her çîyî rê hazir ê. Reyna Gulane (Fîlîze Yerlîkaya) 7ê hezîrane de û Sema Yuce zî 17ê hezîrane de rêça Zîlane de şehîde bîyî. Embaze Zîlane vat 'werîkna mi ganê xo ra zafêr bidayêne.'  Hîrê heme fedayîyanê ma yê serkêşan zî bi çalakîyan, vatiş û şehadatanê xo mojna ra ke rûho fedayî yo Apoyî çirey do çîn mebo.

Ewro Herêmanê Pawitişî yê Medya de kêna û lajê Kurdîstanî xeta Zîlane de sey Zîlanan mewzîyanê şerî de têkoşîn kenê. Bi cesaret û îradeyê girdî şinê dişmenî ser. Zap û Metîna de hemrayê ma tunalanê şerî de vera her qeyde teknîk, hêrişanê hewayî û erdî, çekanê kîmyewîyan çalakîyan kenê. Tim bi çalakîyanaê xo mîjdan danê şarê xo. Ma zî do sey hemrayanê nê hemrayan do berpirsîyarîya xo bîyarê ca.

Ewro hêrişê vera şarê ma û zîndanan dewam kenê. Her roje kuçeyan de însanê  ma yê welatperwerî yenê qetilkerdene. Dayîkê ma kuçeyan de raştê îşkenceyî yenê, ciwanê ma yenê qetilkerdene. Ma şarê xo rê vanê ke; şima têna nîyê, gerîlayî peyê paştîya şima de yê, gerîlayê fedayîyî yê Apoyî yê Kurdîstanî peyê paştîya şima de yê. Ma her roje her hele hazir ê, ça de vera şarê ma hêriş bêro kerdene ma do ûca de bê. Ma dişmenî rê vanê ke, şarê ma têna nîyo. Ma do bi tewirê Zîlane şer bikerê, şero teberê tewirê Zîlane ma rê herem o. Ma do sey Zîlane şer bikerê û sey Zîlane ser bikewê. Ma soz danê şarê xo û embazanê xo yê ke zîndan de xover danê. Ma do sey hemrayanê xo Hewrê, Doga, Şervan, Ciwan û Andokî înanê ke Herêmanê Pawitişî yê Medya  bi ruhê Zîlane şer kerd, serkewtişî bikerê garantî. Ma sey qala peyêne vanê ke serkewtiş ê ma yo, serkewtişê ê şarê ma yo, serkewtiş ê ma perûn o.''

Gerîlayê fedayîyî badê qiseykerdişî bi slogananê “Bijî Serok Apo”, “Bi Can Bi Xwîn Em Bi Te Re Ne Ey Serok”, “Bê Serok Jiyan Nabe”, “Jin Jiyan Azadî” û “Bijî Partiya Karkerên Kurdistan” kewtî rayîrê waranê wezîfeyê xo.