Her gerîlayê kurdan xo felsefeya PKKyî û rastîya fikranê Ocalanî de vîneno. No fikr ge ge roman o, felsefe yo, tarîx o, medenîyeto demokratîk û şîîrêka bêpeynîye yo. Gerîlayê HPG-YJA-Starî serrgêra ronayîşê PKKyî ya 42. de ANFyî reyde qisey kerd.

Gerîlaya YJA-Starî Fîdane Kahraman vat: "PKK wayîrê xoverdayîş û cuye yo. PKK dibistana cuye yo. Mîyanê PKKyî de têkoşînêko tarîxî û komelkî esto. No têkoşîn seba azadîya şarê herêmî yo. Eke her tim xoverdayîş estbo pawitişê neteweyê kurdan û şarê herême zî do wezîfedar bibo. Encax o çax talûkeyê qirkerdişî bêro pûçkerdene."

Gerîlayê HPGyî Soro Banê vat: "Seba ke merdimî kesayetê xo û ê komelê xo baş bişinasno hewceyê cigêrayîşî esto, rastîya PKKyî de tarîxê kurdan ame şinasnayene, verî ke PKK ame ronayene kultur û hunerê kurdan ameyêne binpaykerdene, heqê kurdan nêameyêne qebulkerdene. "

Gerîlayê HPGyî Çekdar Kanîreş vat: "Mîyanê têgêrayîşê PKKyî de romano bêpeynî yeno nuştene. No romano bêpeynî rastîye û cigêrayîşê azadîye yo. Bi fikranê Serek Apoyî rastîya tarîxê kurdan ameye şinasnayene, rastîya komelê kurdan ameye şinasnayene. Têgêrayîşê PKKyî hem felsefe hem cuye hem zî romano bêpeynî yo ke bêmabên yeno nuştene."

Gerîlaya YJA-Starî Avaşîne Botan vat: "Cuye û têkoşînê PKKyî zelal ê. Mîyanê PKKyî de her kes eşkeno rengê xo bivîno, heqê cinîye û camerdê sey ci yê. PKK şorişêkê komelkî û hişmendîye dano kerdene. Naye ra cuya PKKyî cuya tarîxî ya û şîîrêka adirên a."