Endamê Fermndarîya Qerargehê Merkezî yê Hêzanê Pawitişê Şarî (HPG) Rizgar Êrsî tewrê Bernameyê Taybetî yê Stêrk TVyî bi û Komployo Mîyanneteweyî yê vera Rayberê Şarê Kurdî Abdulah Ocalanî ercna.

Ercnayîşê Fermandar Rizgar Ersîyî ra beşêk wina yo:  ''Komployê vera Rayber Apoyî vera pêro dinya zî bi. Rayber Apoyî seba azadîya şaran têkoşînê azadîye da destpêkerdene. Rayber Apoyî vera hîşmendîya netew-dewlete têdûştîya şaran pêşkêş kerde. Coka modernîteya kapîtalîste vera na xete têgêraye. Rayber Apo têna seba şarê kurdî ney seba merdimîye bi hêvî.

Rayber Apo temsîlkarîya şarê kurdî kerde û perspektîfê cuya azade viraştî. Coka komplo şexsê Rayber Apoyî de vera pêro şarê azadîwaştoxî û şarê kurdî ame kerdene. Şarê kurdî Rayber Apoyî reyde eşkeno bireso azadîya xo. 15ê Sibate her tim seba ma do biba roja reşe.  Rayber Apoyî her tim armancê komplogeran pûç kerdî. Têkoşînêko pîl kerd û waşt ke tarîx newe ra binuso. Şarê ma seba Rayber Apoyî çalakîyê cîyayî kerdî, her ca de têkoşîn kerd. Bi taybetî cinîyî û ciwanî wayîrê Rayber Apoyî vejîyenê.

Tecrîd vera şarê kurdî û merdimîye zî yo û o do qet ser nêkewo. Şarê kurdî qet tecrîdê Rayber Apoyî qebul nêkerd. Şarê kurdî çin nêbeno, bêtêkoşîn nêbeno û bêserek zî nêciwîyenê. Ma do têkoşîn û rêxistinbîyayîşê xo hîna xurtêr bikerê û tecrîd bişiknê. Wext wextê têkoşînî yo. Eke şarê kurdî û gerîlayî pîya têkoşînê xo xurtêr bikerê ma do ser bikewê. Eke şarê kurdî yewîya xo xurt bikerê azadîye nêzdî ya. Seba şiknayîşê Komployê 15ê Sibate ganî ma dormeyê Rayberîye de kom bibê ke çar parçeyanê Kurdîstanî de bieşkê bi îradeyêkê azadî biciwîyê.''