Fermandaranê HPGyî ra Rodî Rojî da zanayene ke komplo hetê 32 dewletan ra ame kerdene û înan rolê pîyonî da Tirkîya. Rojî îfade kerd ke komplo zaf hetan ra ame puçkerdene zî sey konseptêk dewam keno.

Fermandarê HPGyî Rodî Rojî bi wesîleya serrgêra Komployê Mîyanneteweyî ANFyî reyde qisey kerd.

Rojî ard ziwan ke serra 22. de ê do têkoşîn xurtêr bikerê, komplo û tecrîd parçe bikerê û bi nê hawayî şar û Ocalan biresnê yewbînan. Rojî vat: ''Qerardarîya ma ya seba têkoşînî wina ya.''

Rodî Rojî eşkera kerd ke bi Komployê Mîyanneteweyî waşt ke Rayberîye bêveng bikerê, bitepişê û vat: ''Cografyaya Kurdîstanî bala hêzanê hegemonîkan ancena. Her çend komplo çarçea menfaatnê qijan û erjanan ê ekonomîyî de yeno dîyene zî hînî xorinêr o.''

Fermandar Rojî da eşnawitene ke komplo bi beşdarîya 32 dewletan ame kerdene û nê dewletan rolê pîyonî da Tirkîya. Rojî vat: ''Komplo zaf hetan ra amebi pûçkerdene zî sey konseptêk dewam keno. Hesabê komplogeran bi giranî nêame caardene.''

Rojî vat ke Ocalan rastîya komelê kurdan o.