Kampa Multecîyan a Şehîd Rûstem Cûdîyî (Mexmûr) de bi merasîmêkê heybetînî Fermandara YJA-Starî Şîlane Goyî (Taybete Bîlen) ameye yadkerdene ke 8ê teşrîna verêne ya 2021î de şehîd bibî. Merasîm Dezgehê Keyeyanê Şehîdan de bi tewrbîyayîşê xeylêk kesan ame kerdene.

Merasîm de alayê PKKyî û fotografê Rayberê Şarê Kurdî Abdullah Ocalanî ameyî akerdene. Deqayêkê rêzgirewtişî ra dima mesajê Fermandarîya Merkezî ya YJA-Starî ame wendene. Endama Koordînasyonê Meclîsê Îştarî Nurane Sezgîn merasîm de qisey kerd û ard ziwan ke xeylêk şehîdan semedê Kurdîstanê Azadî û azadîya Abdullah Ocalanî ganê xo feda kerdî. Sezgîne vist vîrî ke Şîlane Goyî Mexmûr de pê xebatanê xo kesêka mîsale bîye

Nameyê keyeyî ser o zî Hemsereka Meclîsê Şarî yê Demokratîkî Pakistane Bîlen qisey kerd û vat: ''Dişmenê şarê kurdî ewro sînoran nêşinasneno û her ca de hêrişê kurdan keno. Vera nê hêrişan ma do xeta şehîdan xo rê esas bigêrê ke do ma biresna azadîye.''